Biz — Oqtepa Lavash, 2010-yilda Chilonzorda kichik bir kafeda “o‘zimizniki”lar uchun lavashlar tayyorlay boshlagan ikki aka-uka, Behzod va Farhod G‘ulomovlar tomonidan tashkil etilgan restoranlar tarmog‘imiz. Ammo “o‘zimiznikilar” uchun deb boshlangan bu tashabbus birgina tumanning chegarasidan ancha uzoqqa chiqib ketdi: bugungi kunda bizning O‘zbekistonning 11 ta shaharda 96 ta filialimiz bor va biz hali ham soddalik, sifat va mehmonlarga yaqinroq bo'lishga ishonamiz.

14 yil davomida biz nafaqat restoranlar ochmoqdamiz balki yangiliklar ham yaratmoqdamiz. 2024-yilda katta rebrending o‘tkazib, oshxonalarimizni mehmonlar uchun ochiq qildik (ha, ekskursiyalar haqiqatan ham o'tkaziladi!), 21 ta filialimiz esa kunu tun ishlamoda.

Yangi texnologik go‘sht seximizni ishga tushirishga ulgurdik, bu sex har oy 1300 tonnagacha halol go‘sht ishlab chiqarishga imkon beradi. Nima uchun deysizmi? Chunki biz har bir mahsulotimiz mukammal bo‘lishini xohlaymiz — xoh u qarsildoq non, xoh yangi ingredientlar, yoki mazali go‘sht bo‘lsin.

Aytgancha, biz faqatgina bitta brend bilan cheklanib qolmadik. 2024-yilda biz O!Kafe — yangi formatdagi qahvaxonalarni ishga tushirdik. Bu yerda siz tetiklantiruvchi qahva, kayfiyat qo'shuvchi desertlar va siz qayta-qayta tashrif etishni xohlaydigan muhitni topasiz. Noutbuk bilan ishlamoqchimisiz? Marhamat. Do‘stlaringiz bilan suhbat qilishni xohlaysizmi? Bemalol. Biz hammaga mos keladigan joy yaratdik.

Biz nafaqat o‘sayapmiz, biz evolyutsiya qilmoqdamiz. 2025-yilda 150 ta filial ochishni rejalashtiryapmiz, bu esa bizni har bir kishiga yanada yaqinroq qiladi. 14 yil davomida biz asosiy narsani angladik: samimiyat, mehnat va mehmonlarga bo‘lgan e’tibor bizni boshqalardan ajratib turadigan jihatlardir.

Oqtepa Lavashga marhamat — bu yerda har bir lavash, burger, donar va har bir piyola kofe mehr va g‘amxo‘rlik ila tayyorlanadi!

Contacts